дам задан чист? маънии дам задан

дам задан دم زدن

аз дам I 10

феъл

нафас задан ва нафас кашидан, фурӯ бурдан ва баровардани нафас
- Масҷид ба як бор фурӯ рафт ва халқи бисёр дар вай ҳалок шуданд ва дар ҷумлаи шаҳр таъзият шуд ва баъзеро берун оварданд ва ҳанӯз дам мезаданд ва соъате будӣ – бимурдандӣ.
  Таърихи Наршахӣ бештар
- Агарчи дилам дид чандин ситам,
  Нахоҳам задан ҷуз ба фармон-т дам.
  Абулқосим Фирдавсӣ
таваққуф кардан, каме истода (нишаста) дам гирифтан, нафас рост кардан
- Бар ин чашма чун мо басе дам заданд,
  Бирафтанд, чун чашм бар ҳам заданд.
  Саъдӣ
сухан гуфтан, шикастани сукут, ҳарф задан, ба такаллум оғозидан, гап задан
- Аз висоли хеш бо ман ҳар замон дам мезанӣ,
  Дам ба дам бар оташам обе чу шабнам мезанӣ
  Саъдӣ бештар
- Дам нозада бар ҷамоза биншаст,
  Рахт аз сари кӯҳи Наҷд барбаст.
  Шоҳин
- Зи лашкар наёрист дам зад касе,
  Набуд худ бад-он ҷой лашкар басе.
  Абулқосим Фирдавсӣ
овоз баровардан; нола кардан
- Мутриб ба як савти ҳазин оташ зад андар хирманам,
  Чун уд сӯзад оламу чун най зи ҳиҷрон дам занад.
  Исмат
даъво кардан, иддао кардан; лоф задан
- Кай раво бошад аз ҳавохоҳӣ,
  Ки занам пеши шаҳ дами шоҳӣ!
  Хусрави Деҳлавӣ бештар
- Алӣ Рой – волии Таббат ... дам аз муҳаббати оли або мезад.
  Таърихи Фаришта
дамидан, расидан (оид ба субҳ)
- Бо субҳ бигӯед, ки бе вақт мазан дам,
  Имшаб шаби васл аст, нигаҳ дор нафасро!
  Камоли Хуҷандӣ бештар
- Бо шаби васл аз фурӯғи рӯзи равшан фориғам,
  То қиёмат дигар, эй субҳи ҷудоӣ, дам мазан!
  Исмат

Феҳристи ихтисорот