полудан чист? маънии полудан

полудан پالودن

феъл

соф кардан, тоза намудан, пок гардонидан
- Раҳи доварӣ пок бинмудашон,
  Зи олудагиҳо биполудашон.
  Абулқосим Фирдавсӣ бештар
- Бибояд шуст ҷонатро ба илму тоъат аз исён,
  Чунон к-об аз намат ҷонро зи шубҳатҳо биполояд.
  Носири Хусрав
гудохтан, об карда тоза намудани зару нуқра ва ғ.
- Сухан чун зарри пухта бехабосат гардаду софӣ,
  Чу ӯро хотири доно ба андеша биполояд.
  Носири Хусрав
рехтан, резондан; равон кардан
- Хунҳо аз ду дида полудам,
  Рахна-рахна шуд аз ғамат ҷигарам.
  Анварӣ
заҳидан, заҳида баромадан, таровиш кардан, таровидан; рехтан, ҷорӣ гардидан
- Феъли олуда гавҳар олояд,
  Аз хуми сирка сирка полояд.
  Унсурӣ бештар
- Аз гилу об ҷома битвон шуст,
  Ки шавад поктар зи бори нахуст.
  Лек чун дил ба ғафлат олояд,
  Хунат аз дидагон биполояд.
  Абдураҳмони Ҷомӣ
тар кардан, намнок гардонидан
- Бад-ин бартарин номи яздоншро,
  Бихонду биполуд мижгоншро.
  Абулқосим Фирдавсӣ
берун шудан, дур шудан
- Хирадманд биншаст бо ройзан,
  Биполуд аз айвон шаҳи анҷуман.
  Абулқосим Фирдавсӣ
тамом шудан, ба охир расидан; зоеъ гардидан
- Чу барзад сар аз бурҷи Шер офтоб,
  Биболид рӯзу биполуд хоб.
  Абулқосим Фирдавсӣ
табоҳ кардан, зоеъ гардонидан, ҳадар кардан; аз байн бурдан
- Дар сафар хоҷагӣ никӯ н-ояд,
  Ки сафар хоҷагӣ биполояд.
  Саноӣ
оғушта кардан, сириштан, хамира кардан
- Ду чашми ман рухи ман зард дид навонист,
  Аз он ба хуни дил онро ҳамебиполояд.
  Масъуди Саъд

Феҳристи ихтисорот