оташ чист? маънии оташ - Вожаҷӯ / واژه‌جو

оташ آتش

исм

он чи дар вақти сӯхтани чӯб, ангишт ва ғ. ба вуҷд меояд ва дорои равшанию гармист, алав
- Хирадманд кӯшад, к-аз оташ раҳад,
  На худро ба сӯзанда оташ диҳад.
  Асадӣ
оташ дардодан آتش دردادن

феъл

оташ афрӯхтан, даргирондан; сӯзондан

оташ дарзадан آتش درزدن

феъл

оташ додан, сӯзандон
оташ задан آتش زدن
феъл

1.
маҷ. маҳв кардан, несту нобуд намудан

2.
сӯхтан, сӯзондан
оташ додан آتش دادن
феъл

1.
гушод додану афкандани тӯп ва амсоли он

2.
оташ афрӯхтан, даргирондан; сӯзондан

3.
маҷ. таҳрики ғазаби касе кардан
оташ куштан آتش کشتن

феъл

хомӯш кардани оташ

оташ кардан آتش کردن

феъл

алав даргирондан, гулхан афрӯхтан

оташ чакидан آتش چکیدن

феъл

шарора паридан

оташ нишондан آتش نشاندن

феъл

оташро хомӯш кардан, оташро куштан

оташи Намруд آتش نمرود

исм

оташи бузург, ки Намруд фармонравои Бобил барафрӯхт ва ҳазрати Иброҳими халилуллоҳро дар он афканд ва оташ бар он ҳазрат бард ва салом шуд

оташи Халил آتش خلیل

исм

нигаред ба оташи Намруд 1; оташи бузург, ки Намруд фармонравои Бобил барафрӯхт ва ҳазрати Иброҳими халилуллоҳро дар он афканд ва оташ бар он ҳазрат бард ва салом шуд

оташи санг آتش سنگ

исм

шарорае, ки дар натиҷаи ба ҳам задани санге ба санге ва ё филиззоту санг пайдо мешавад

оташи осмон آتش آسمان

киноя аз барқ, соиқа

оташи Мӯсо آتش موسی

исм

оташе, ки Мӯсои пайғамбар дар кӯҳи Тур дида буд

оташи корвон آتش کاروان

исм

оташи гулхане, ки баъд аз кӯчида рафтани корвон дар ҷои он боқӣ мемонад

оташи қофила آتش قافله

исм

нигаред ба оташи корвон 1; оташи гулхане, ки баъд аз кӯчида рафтани корвон дар ҷои он боқӣ мемонад
маҷ. тундӣ, тезӣ; ғазаб
- Бигуфтанд к-ин ранҷ додӣ ба бод,
  Сари номвар пур зи оташ мабод!
  Абулқосим Фирдавсӣ бештар
- Яке безиён марди оҳангарам,
  Зи шоҳ оташ ояд ҳаме бар сарам.
  Абулқосим Фирдавсӣ
оташ шудан آتش شدن

феъл

киноя аз хашмгин шудан, оташин гаштан
маҷ. сӯзу гудоз, ғаму андӯҳ, дард
- Дилаш гашт пур оташ аз меҳри Зол,
  Аз ӯ дур шуд хӯрду орому ҳол.
  Абулқосим Фирдавсӣ
киноя аз шароб, бода
- Хокро аз бода бӯи меҳрубон омадааст,
  Дардеҳ он оташ, ки оби зиндагонӣ омадаст.
  Саноӣ бештар
- Магар чун фурӯ резад оташ зи ҷом,
  Шавад кори о пухта аз хуни хом.
  Низомӣ
динӣ дӯзах
- Аз хатари оташу азоби абад,
  Дину хирад кард дар ҳисор маро.
  Носири Хусрав бештар
- Озҳоро ба сӯи хеш макаш,
  Ки кашад ҷонатро суи оташ.
  Саноӣ
бар оташ нишондан بر آتش نشاندن

киноя аз ғамгин кардан, ба азобу машаққат гирифтор кардан

дар оташу об будан در آتش و آب بودن

феъл

киноя аз дучори ранҷу машақати бисёр шудан

миёни оташу об нишондан میان آتش و آب نشاندن

феъл

киноя аз дучори ранҷу машаққат кардан

миёни ду кас оташ афрӯхтан میان دو کس آتش افروختن

феъл

дар байни ду кас фитна хезондан, миёни ду кас бо ғаммозӣ ҷанг андохтан

наъл дар оташ будан نعل در آتش بودن

киноя аз беқарор будан, ки гӯё агар номи касеро дар наъл навишта дар оташ гузоранд, он шахс беқарору музтариб мешудааст

аз об баромадани оташ از آب برآمدن آتش

феъл

киноя аз рӯй додани воқеъаи аҷибу ғариб; пеш омадани кори душвор

аз хиёр ҷастани оташ از خیار جستن آتش

киноя аз воқеъ шудани кори ғайри мумкин ва муҳол, аз кулӯх оташ паридан

бар оташ нишастан بر آتش نشستن

феъл

азобу машаққат кашидан
оташ ба дил афтодан آتش به دل افتادن
феъл

1.
гирифтор шудан ба дарду ғам

2.
ба ташвишу изтироб афтодан
оташ ба оби ашк куштан آتش به آب اشک کُشتن

феъл

киноя аз бо гиря кам кардани ғаму андӯҳ, бо гиря таскин додани дил

оташ бар варақ рехтан آتش بر ورق ریختن

феъл

киноя аз суханҳои шавқовар ва ҳаяҷонбахш навиштан

оташ аз об надонистан آتش از آب ندانستن

феъл

киноя аз ниҳоят бебоку ҷасур будан

оташ аз санг рӯёнидан آتش از سنگ رویانیدن

феъл

пайдо кардани оташ аз санг

оташ дар сина афрӯхтан آتش در سینه افروختن

феъл

дар дил ишқ пайдо кардан, ба муҳаббат гирифтор шудан

оташ барангехтан آتش برانگیختن

феъл

киноя аз нобуд кардан ва мағлубу забун намудани касе

оташ сард кардан آتش سرد کردن

феъл

оташ куштан, хомӯш намудани оташ

аз оташи Намруд барафрӯхтани лола از آتش نمرود برافروختن لاله

киноя аз шукуфтани лола, сурх шудании лола, сурх шудани лола

оташ аз об афрӯхтан آتش از آب افروختن

феъл

киноя аз кори аҷибу ғариб ва номумкин кардан

оташ ангехтан آتش انگیختن

феъл

ба ҷӯшу хурӯш овардан

атр бар оташ фишондан عطر بر آتش فشاندن ъатр бар оташ фишондан

киноя аз дуъо гуфтан; ба некӣ ёд кардан

Феҳристи ихтисорот