овардан чист? маънии овардан

овардан آوردن

феъл

муқобили бурдан I 1; чизеро ба худ аз ҷое ба ҷое нақл ё ҳамл кардан; ҳозир кардан
- Бигиредаш аз пушти он пили маст,
  Ба пеши ман оред баста ду даст.
  Абулқосим Фирдавсӣ бештар
- Биёвард он дам зану шӯйро,
  Ҷавонрову он пирбонуйро.
  Савдо
зоҳир кардан, ба миён ниҳодан; хашм овардан хашмгин шудан
- Морро ҳарчанд беҳтар парварӣ,
  Чун яке хашм оварад, кайфар барӣ.
  Рӯдакӣ
зодан, таваллул ёфтан; таваллуд кардан, зоидан
- З-овардани ман набуд гурдунро суд,
  В-аз бурдани ман ба иззу ҷоҳаш н-афзуд.
  В-аз ҳеч касе низ ду гӯшам нашнуд,
  К-овардану бурдани ман аз баҳри чи буд.
  Хайём бештар
- Пурсидамаш: Чи гунаӣ ва чи ҳолат аст? Гуфт:
  То кӯдаке биёвардам, дигар кӯдакӣ накардам.
  Саъдӣ
нақл кардан, ривоят намудан, ҳикоят кардан
- Ҳар ки хонад, донам, ки айб накунад ба овардани ин ҳикоят, ки бефоида нест.
  Таърихи Байҳақӣ бештар
- Дар амсоли ҳукума овардаанд, ки яке аз ҳуккумон яке аз уммоли золими худро ба шиканҷа кашид. Аҳмади Дониш
феъли ёридиҳанда дар феълҳои таркибии номӣ ба маънои кардан, намудан ва ғ., мас. ˊбороварданˊ, ˊпосух оварданˊ, ˊрӯй оварданˊ ва ғ.

кор овардан کار آوردن

феъл

ба кор бурдан, кор фармудан

ба ранҷ овардан به رنج آوردن

феъл

озор додан, ба азоб монондан

Феҳристи ихтисорот