нишондан чист? маънии нишондан

нишондан نشاندن

феъл

шинондан, ҷой додан, ҷойгир кардан
- Ба пеши худ бинишон шоҳидони ширинкор,
  Ки бо шакардаҳанон хуш бувад суолу ҷавоб.
  Убайди Зоконӣ
қарор додан, гузоштан, сари по истоёндан
- Сафе бар дигар даст биншонданд,
  Ҳаме ном Найсориён хонданд.
  Абулқосим Фирдавсӣ
коштан, шинондан (-и ниҳол)
- Дарахтест ин худ нишонда ба даст,
  Куҷо бори ӯ хуну баргаш кабаст.
  Абулқосим Фирдавсӣ бештар
- Сад шохи гули тоза нишондам ба ҳавоят,
  Боз о, ки яке з-он ҳама наншаст ба ҷоят.
  Абдураҳмони Ҷомӣ
насб кардан, устувор намудан, мас. нигин ё ҷавоҳиротро ба рӯи чизе ҷойгир кунондан
- Ба сони сипеҳре яке тахти зар,
  Нишонда дар ӯ чанд гуна гуҳар.
  Абулқосим Фирдавсӣ
хомӯш кардан (оташро); таскин додан (дардро); ором кардан
таъйин кардан
- Ба рой аз бузургон беҳаш доду беш,
  Нишондаш забардаст дастури хеш.
  Чунон ҳикмату маърифат кор баст,
  Ки дар амру наҳйяш даруне нахаст.
  Саъдӣ
ҳабс кардан, зиндонӣ кардан, бандӣ кардан
- Вай дар дил хиёнат дошт ва он ҳама моро муқаррар гашт, то ӯро нишонда омад, ки салоҳ нишондани ӯ буд.
  Таърихи Байҳақӣ

Феҳристи ихтисорот