жола чист? маънии жола - Вожаҷӯ / واژه‌جو

жола ژاله

исм

қатраҳои борон, ки аз асари сардии ҳаво ба яхча мубаддал мегардад; тагарг, дӯл, ҷола
- Чун жола ба сардӣ андарун мавсуф,
  Чун ғӯра ба хомӣ андарун маҳкам.
  Мунҷик бештар
- Надид омадӣ манҷаник аз бараш,
  Чу жола ҳамекӯфтӣ бар сараш.
  Абулқосим Фирдавсӣ
- Гуфтам: Ба даври лола кашам як пиёлае,
  Бо рағми ман бирехт фалак санги жоларо.
  Ибни Ямин
шабнам
- Ёқутвор лола, бар барги лола жола,
  Карда бар ӯ ҳавола ғаввос дурри дарё.
  Кисоӣ бештар
- Шуда жола дар гул чу май дар қадаҳ,
  Ҳаметофт аз чарх қавси қузаҳ.
  Абулқосим Фирдавсӣ
- Жола бар лола фуруд омада ҳангоми саҳар,
  Рост чун орази гулбӯи арақкардаи ёр.
  Саъдӣ
маҷ. ашк, оби дида
- Гули шанбалидаш пур аз жола гашт,
  Забону равонаш пур аз нола гашт.
  Абулқосим Фирдавсӣ бештар
- Жола аз наргис фурӯ бориду гулро об дод,
  В-аз тагарги рӯҳпарвар молиши унноб дод.
  Восифӣ
жолаи наргис ژاله نرگس

исм

сиришк, ашк, оби чашм

аз наргис ёсуманро жола кардан از نرگس یاسمن را ژاله کردن

феъл

ҷорӣ кардани ашки чашм ба рӯй
маҷ. арақи рӯй
- Лола ба шамшод баромехтанд,
  Жола ба гулнор даровехтанд.
  Манучеҳрӣ
амаде, ки аз чӯбҳо сохта шуда ба зери он машқҳои пурбод мебанданд ва аз дарёҳои чуқур мегузаранд, ҷола

Феҳристи ихтисорот