боб чист? маънии боб - Вожаҷӯ / واژه‌جو

боб باب III

арабӣ

исм

дар, дарвоза, дари хона
- Ҳаёти Саъдӣ он бошад, ки бар хоки дарат мирад,
  Даре дигар намедонам, макун маҳрум аз ин бобам.
  Саъдӣ бештар
- Зи инқилоби фалак нола дораму фарёд,
  Ки ҳеч гаҳ ба рухам боби роҳате накушод.
  Ҳайрат
маҷ. даҳани зарф
- Кӯза, ки борик бувад боби вай,
  З-ӯ ҳама борик равад обу май.
  Хусрави Деҳлавӣ
калонтарин қисми китоб, ки ба фаслҳои алоҳида ҷудо мешавад
- Ин равзаи ризо ва ҳадиқаи улё чун биҳишт ба ҳашт боб иттифоқ афтод.
  Саъдӣ
бора, хусус; ҷиҳат; ваҷҳ
- Маро бо ту бад-ин боб тоб нест,
  Ки ту роз беҳ аз ман ба сар барӣ.
  Рӯдакӣ бештар
- Ба сад ваҷҳ рӯи ту гулзори ҷон,
  Ба сад боб кӯи ту бозори ҷон.
  Хоҷу
аз ҳеч боб از هیچ باب

аз (ё ба) ҳеч ваҷҳ; аз (ё ба) ба ҳеч бора, дар ҳеч бобат

дар боби در باب

дар хусуси ..., дар бораи ...

боб باب I

сифат

шоиста, лоиқ, сазовор, муносиб, мувофиқ, дархӯр; соз, хуб

З-ин ҷаҳон фирқаи шаётинанд,
Ки чу иблис боби нафринанд.
Бедил бештар
Қазо бар рӯи арақноки ӯ чи пардозад,
Ки боби хат набувад коғазе, ки об гирифт.
Шоҳин

боб باب II

исм

падар
- Як аз дигар истод он гоҳ дур:
  Пур аз дард бобу пур аз ранҷ пур.
  Абулқосим Фирдавсӣ бештар
- Агар бобро соя рафт аз сараш,
  Ту дар сояи хештан парвараш.
  Саъдӣ
падари падар, ҷад
- Як бор табъи одамиён гиру мардумон,
  Гар одам аст бобату фарзанди бобакӣ.
  Асадӣ

боб باب IV

исм

роҳ, тариқ, тавр

Дилам, ки ишқ бар ӯ сад дари бало бикушод,
Рухи умед натобад ба ҳеч боб аз ту.
Абдураҳмони Ҷомӣ