Офтоб чист? маънии Офтоб - Вожаҷӯ / واژه‌جو

Офтоб آفتاب

исм

ситораи нурдиҳанда, маркази низоми шамсӣ, ки равшаниву ҳарорати замин аз он ҷост; Хуршед, Меҳр, Шамс

офтоб додан آفتاب دادن

феъл

дар офтоб паҳн кардан барои хушконидан, ҳаво хӯронидан ва ғ.

офтоб афтодан آفتاب افتادن

феъл

расидани нури офтоб

офтоб хӯрдан آفتاب خوردن

феъл

аз нури офтоб баҳраманд шудан, дар офтоб истодан

офтоб задан آفتاب زدن

феъл

аз гармои офтоб осеб дидани бадан (мас. сар)
маҷ. маҳбуба, маъшуқа
- Ишқ мегӯяд, ки сӯз аз дил ҳиҷоби хешро,
  То ба чашми ҷон бубинӣ офтоби хешро.
  Ғиёсӣ бештар
- Чун коинот ҷумла ба бӯи ту зиндаанд,
  Эй офтоб, соя зи ман бармадор ҳам.
  Ҳофиз
маҷ. шароб, бода
- Дар ҷашни осмонваши ту рехта ба ноз,
  Соқии моҳрӯи ту дар соғар офтоб.
  Анварӣ бештар
- Равшандилон надида як ҳаррае тафовут,
  Аз офтоби гардун то офтоби соғар.
  Бадри Чочӣ
фурӯ рафтани офтоб فرو رفتن آفتاب

исм

ғуруби офтоб, ғуруб

баромадани офтоб برآمدن آفتاب

исм

тулӯъ

пеш аз офтоб پیش از آفتاب

зарф

пеш аз тулӯи офтоб, саҳари барвақт

баланд шудани офтоб بلند شدن آفتاب

исм

сар задани офтоб, ба қиём омадани офтоб

офтоби озодӣ آفتاب آزادی

исм

офтоби рӯзҳои зимистонӣ, ки сарди бедавом мешавад

чун офтоб барафрӯхтан چون آفتاب برافروختن

киноя аз ба ҳаяҷон омадан

қиёми офтоб قیام آفتاب

ба самтурраъс омадани офтоб

ба девор омадани офтоб به دیوار آمدن آفتاب

ба поён расидани умри касе, ба охир расидани зиндагонии касе, вафот ёфтан

бар сари бом омадани офтоб بر سر بام آمدن آفتاب

исм

рост шудани офтоб, самтурраъс

ба кӯҳ рафтани офтоб به کوه رفتن آفتاب

нигаред ба ба девор омадани офтоб 1; ба поён расидани умри касе, ба охир расидани зиндагонии касе, вафот ёфтан

гил бар офтоб андудан گل بر آفتاب اندودن

феъл

нигаред ба офтоб ба гил дарандӯдан 1; киноя аз кӯшиши беҳуда кардан барои пинҳон доштани ҳақиқати ошкор

Феҳристи ихтисорот