оростан чист? маънии оростан

оростан آراستن

феъл

зинат додан, зебу зинат додан, музайян кардан, оро додан
- Боди сабо даромад,фирдавс гашт саҳро,
  Орост бӯстонро найсо ба фарши дебо.
  Кисоӣ бештар
- Абӯабдулло бифармуд, то шаҳрро биёростанд.
  Таърихи Наршахӣ
- Бисёр машав ғарра бад-ин ҳусни диловез,
  К-ин ҳусни диловези ту аз ишқ ман орост.
  Салмони Саваҷӣ
барпо кардан, сохтан; хушнамо сохтан; ба вуҷуд овардан
- Базме подшоҳона биоростанд.
  Авфӣ бештар
- Чист бингар, з-осиё мар-осиёбонро ғал(л)а?
  Гар набоистиш ғалла, осиё н-оростӣ.
  Носири Хусрав
- Таҳайюр гаҳ зи чашмакҳои ашкам анҷум орояд,
  Сазад гар гардиши рангам кунад таъмири гардуне.
  Шоҳин
обод кардан, маъмур кардан
- Масъуди насир ... афзали подшоҳони вақт аст ба аслу насаб... шуҷоъату саховат ва пиростани мулку оростани вилоят.
  Низомии Арӯзӣ
дуруст кардан; соз кардан
- Зананда дигаргун биёрост руд,
  Баровард ногаҳ дигар суруд.
  Абулқосим Фирдавсӣ бештар
- Макун пешаи худ ба ҷуз ростӣ,
  Агар ростӣ корат оростӣ!
  Ҳотифӣ
омода шудан; муҳайё кардан, ҳозир кардан
- Ҳама ганҷ пеши ту оростаст,
  Агар тоҷ, агар тахт, агар хостааст.
  Абулқосим Фирдавсӣ бештар
- Рӯзи дуйӯм зи ҷой Қомат хост,
  Хештанро барои ҷанг орост.
  Мушфиқӣ
- Ҷавоби нома биёростам, ки бинвисам:
  Аз он чи гӯш зи ҷонон шунид, дида надид.
  Шоҳин
киноя аз навиштан, таълиф намудан, гуфтан
- Кунун, эй сухангӯи бедормағз,
  Яке достоне биёрой нағз.
  Абулқосим Фирдавсӣ бештар
- Ҷавоби ҳарфи ёр оростан хост,
  Хароше дошт ҳар ҳарфе, ки орост.
  Хусрави Деҳлавӣ
- Пешиниён хирадномаҳо оростаанд, ки пасинон гӯш кунанд.
  Нигори дониш

Феҳристи ихтисорот